Нийслэлийн Мэргэжлийн хяналтын газраас эрүүл мэндийн байгууллагуудын үйл ажиллагаанд хийсэн шалгалтын дүн мэдээг өнөөдөр танилцууллаа.

Нийт 228 эрүүл мэндийн байгууллагад хамтарсан шалгалт хийж, илэрсэн зөрчлийг үндэслэн 51 эмнэлэгт Зөрчлийн хуулийн дагуу 41.800.000 төгрөгний шийтгэвэр оногдуулж, Улаанбаатар сонгдо, Мед траума, Ач тус хоспис, Алтанхүн, АСЭ, Төгс тэмүүлэн ХХК-ний Чулуунаа, Хасу манал, Авецина эмнэлгүүдийн 14 албан тушаалтанд 3.500.000, 3 иргэнд 900.000 төгрөгийн торгууль ногдуулж, нийтдээ  46.20.000 төгрөгөөр торгожээ.

Хяналт явцад илэрсэн зөрчил, дутагдал

Эмчилгээний чанарын хяналтын чиглэлээр илэрсэн зөрчил

• Яаралтай тусламж, үйлчилгээг 114 эмнэлэг буюу эмнэлгүүдийн 50 хувь нь хангалтгүй үзүүлж байна.
• 106 эмнэлэгт  хүний нөөцийн хангалт стандартын шаардлагыг хангахгүй.
• 123 эмнэлэг өвчний түүх, хяналтын картыг, сувилагч бусад дунд мэргэжилтэн  анхан шатны бүртгэлийн маягтыг зааврын дагуу цаг хугацаанд нь бүрэн гүйцэд хөтөлж хэвшээгүй.
• - Апрель” ХХК-ний “Илизаров” эмнэлэг нь тусгай зөвшөөрөлд заагдаагүй лаборатори, рентгений чиглэлээр үйл ажиллагаа явуулж байсан.
• - Ханбатгүн, Анардарь, Зохиомон, Аддиститжаргал, Хийлсхаард, Ачитны увидас, Авецина СБД/ , Сумади, Соддэлгэц эмнэлгүүд нь орон тооны сувилагчгүй ажиллаж байсан.
• Хавдар судлалын үндэсний төв нь хүний нөөцийн хангалтыг сонгон шалгаруулалт хийхгүйгээр хөдөлмөрийн гэрээ байгуулж авч ажиллуулсан,
• Нүүр амны эмч мэргэжилтэй, клиник лабораторийн чиглэлээр мэргэшээгүй хүнийг лабораторийн  эрхлэгчээр тус тус ажиллуулсан.

Эм биобэлдмэлийн хяналтын чиглэлээр  

• 3 эмнэлэг нь эмийн хадгалалтын дэглэм зөрчигдсөн, үйлдвэрлэгчийн заасан хэмд хадгалах нөхцөл бүрдээгүй ажиллаж байсан.
• Мөн 3 эмнэлгийн яаралтай тусламжийн шүүгээнд хүчинтэй хугацаа дууссан 7 нэрийн эмийг эмчилгээ, үйлчилгээнд хэрэглэж байсан.
• Нийслэлийн түргэн тусламжийн төвд тендерийн гэрээгээр нийлүүлэгдсэн анхдагч болон хоёрдогч савлагаанд үйлдвэрлэгчийн нэр тодорхойгүй, чанарын баталгаажилтгүй бээлий нийлүүлсэн зөрчил илэрчээ. Нийлүүлсэн компани нь “Чоногол трейд” байсан. Тухайн шаардлага хангахгүй бээлийг татан авалт хийж хууль бус орлого болох хоёр сая 195 мянган төгрөгийг нөхөн төлүүлсэн байна.

Хөдөлмөр халамжийн үйлчилгээний газар ахмад настанд хөнгөлөлттэй үнээр амруулах гэрээг нөхөн сэргээх сувиллын үйлчилгээтэй үзүүлэх тусгай зөвшөөрөлтэй сувилалтай гэрээ байгуулж ажилладаг. Гэрээ байгуулахдаа эрүүл мэндийн даатгалын сангаас болоод хөдөлмөр хамгаалал халамж үйлчилгээний газраас давхар санхүүжилт авсан зөрчил илэрсэн. 

Уг зөрчил “Гэгээн манал”, “Нандин Ухаан”, “Намуутай”, “Багануур”, “Ариг билэг”, “Сүүж уул”, “Өнө энх” сувиллууд ахмад настнуудад амралтын бус сувиллын үйлчилгээ үзүүлээд нийгмийн халамжийн сангаас амралтын хөнгөлөлтийг авсан зөрчил тус тус илэрчээ.