Засгийн газрын хуралдаанаар олон нийтийг хамарсан урлаг, соёл, спорт, хурал, сургалтын арга хэмжээг бүхэлд нь хориглосон бөгөөд үүнд сургалтын төвүүд болон жолооны дамжаа ч багтаж байна. 

Шинэ коронавирусын халдварын эрсдлийн үнэлгээгээр манай улс өндөр эрсдэлтэйд тооцогдож байгаа бөгөөд Засгийн газраас яаралтай арга хэмжээг авч эхлээд байгаа юм.
Мөн их, дээд сургууль, Мэргэжлийн сургалт, үйлдвэрлэлийн төв болон олон улсын хүүхдийн “Найрамдал” төв-ийн үйл ажиллагааг 2020 оны гуравдугаар сарын 2-ныг хүртэл зогсоох шийдвэрийг гаргаад байна. 

Ерөнхий боловсролын сургуулийн үйл ажиллагааг түр зогсоосонтой холбоотойгоор цахим болон теле хичээл зохион байгуулахаар төлөвлөөд байгаа аж.

Иргэд, олон нийт эрсдэл өндөр байгаа тул урьдчилан сэргийлэх арга хэмжээг авч хэрэгжүүлэн, албан ёсны мэдээллийг хүлээн авахыг албаны хүмүүс хүссэн юм.