Австрали улсад очсон Монгол иргэнээс коронавирусийн халдвар илэрсэн талаар Эрүүл мэндийн яамнаас мэдээллээ. 

Монгол 34 настай эрэгтэйгээс коронавирусийн халдвар илэрчээ. Тэрээр БНХАУ-ын Гуанжу хотын нисэх онгоцны буудлаас Австралийн Мельбурн хотод энэ сарын 19-нд очсон. 

"Нислэгийн хугацаанд ямар нэгэн шинж тэмдэг илрээгүй ч Мельбурн хотод очсон оройдоо халуурч, эмнэлэгт тусгаарлагдсан. Энэ сарын 25-нд коронавирус гэдэг нь лабораторийн шинжилгээгээр батлагджээ" гэж ЭМЯ-ны Төрийн захиргаа удирдлагын газрын дарга Б.Цогтбаатар хэлсэн юм. 

"Манай оронд 2005 онд гарсан олон улсын эрүүл мэндийн дүрмийг дагаж мөрддөг. Ямар нэгэн халдварт өвчнийг тухайн өвчлөл гарсан газраар бүртгэдэг. Тиймээс энэ тохиолдлыг Австралид бүртгэсэн" хэмээн ЭМЯ-ны Тандалт шуурхай албаны удирдлагын хэлтсийн дарга Д.Нарангэрэл хэлсэн юм. 

Эх сурвалж: Эрүүл мэндийн яам

Залруулга:

14:40 цагийн байдлаар Австралийн Эрүүл мэндийн газартай холбогдож, мэдээллийг нягтлахад тухайн Монгол иргэн онгоцонд байсан халдвар авсан иргэнтэй хамт зорчсон бөгөөд коронавирусийн халдвар аваагүй гэж мэдэгдлээ. Өмнөх мэдээлэл ташаа болохыг тогтоолоо" гэж Эрүүл мэндийн яамны Төрийн захиргаа удирдлагын газрын дарга Б.Цогтбаатар мэдээллээ.