Хэнтий аймгийн Хэрлэн сумын нэгдсэн эмнэлэгт 14 настай охин өндөр халуурсны улмаас нас барсан гэх мэдээллийг Хэнтий аймгийн онцгой комиссоос мэдээлсэн. Өчигдөр шинжилгээний хариу нь гарсан бөгөөд коронавирусийн халдвар илрээгүй юм. 

Эрүүл мэндийн яамны Тандалт шуурхай удирдлагын хэлтсийн дарга Д.Нарангэрэл "Шинжилгээний хариугаар А хүрээний H3N2 вирусийн хатгалгааны хүндрэлээс болж нас барсан нь тогтоогдсон" гэв. 

Талийгаачтай ойр байсан гурван хүүхдийг тусгаарлаж шинжилгээ хийсэн бөгөөд биеийн байдал хэвийн байгаа аж. 

Мөн БНХАУ-ын Ухань хотод энэ сарын 15-20-нд болсон Олон улсын хүүхдийн хөл бөмбөгийн тэмцээнд оролцсон "Дэрэн" багийнхныг шинжилгээнд хамруулсан бөгөөд шинжилгээний хариу сөрөг гарчээ.  

Эх сурвалж: Эрүүл мэндийн яам