Батлан хамгаалахын сайд Н.Энхболд Засгийн газрыг төлөөлөн УИХ-д коронавирусийн эрсдэлээс урьдчилан сэргийлэхээр хийж буй ажлаа танилцуулж байна. Энэ үеэр Засгийн газар БНХАУ-д буцалтгүй тусламж үзүүлэхээр болсон гэдгийг мэгэдсэн юм. 

Тэрээр "БНХАУ-д коронавирус гарсантай холбоотойгоор тус улсад буцалтгүй тусламж үзүүлэхээр болсон. Үүнийгээ дипломат шугамаар БНХАУ-ын талд мэдэгдэнэ. Хүнд хэцүү цаг үед нь бололцооныхоо хэрээр тусламж үзүүлэх нь зүйтэй гэж үзсэн" гэлээ.

Манай улс БНХАУ-д 200 мянган ам.доллартай тэнцэх хэмжээний мөнгөн тусламж үзүүлэх юм байна.

Мөн Монгол Улсын Засгийн газар БНХАУ-тай хиллэсэн хилийн боомтуудаа гуравдугаар сарын 2-нийг хүртэл хаах тухай асуудлыг хэлэлцэж байна. Хил хэсэгчлэн хаах асуудал дээр Засгийн газрын гишүүд санал нэгджээ.