Монгол банкнаас нөөцийг нь дахин бүрдүүлэх шаардлагатай болсон 50, 20 мянган төгрөгийн дэвсгэртүүдэд орчин үеийн шийдэл бүхий хамгаалалтын шинэ элементүүдийг оруулан шинэчлэн сайжруулж, гүйлгээнд гаргахаар болжээ. 

Онцлог:

- Шинэчилсэн хамгаалалтын элементүүд нь иргэд энгийн нүдээр хараад хуурамч дэвсгэртээс төвөггүй ялгаж, таних боломжтой

- 3 хэмжээст, микро оптик, хөдөлгөөнт гадаргуутай туузтай

- Мөн 3 хэмжээст өнгө нь хувирагч элемент, харааны бэрхшээлтэй иргэдэд зориулсан товгор таних тэмдэг  20,000 төгрөгийн дэвсгэрт нь түүхэн болон үндэсний уламжлалт хэв маягийг хамгийн сүүлийн үеийн технологитой төгс хослуулснаараа онцлог юм.

Шинэчлэн сайжруулсан 50-т болон 20,000 төгрөгийн мөнгөн дэвсгэртүүдийг хоёрдугаар сарын 10-наас эхлэн банкуудад гаргаж, банкууд харилцагчдадаа олгох замаар гүйлгээнд гаргана. 

"Шинэчлэн сайжруулсан 50-т болон 20 мянган төгрөгийн мөнгөн дэвсгэртүүдийг хоёрдугаар сарын 10-наас эхлэн банкуудад хуваарилаж, харилцагчдад нь олгох замаар гүйлгээнд гаргана" хэмээн Монголбанкнаас мэдээллээ.