2019 оны НӨАТ-ын буцаан олголт болох 148.6 тэрбум төгрөгийг 912 мянган иргэнд өчигдрөөс олгож эхэлсэн билээ. Харин НӨАТ-ын буцаан олголтыг энэ жилээс эхлэн улирал бүр олгоно хэмээн Татварын Ерөнхий Газраас мэдээлсэн.

Нэмэгдсэн өртгийн албан татварын буцаан олголтыг улирал бүр буюу I-р улирлын буцаан олголтыг дөрөвдүгээр сард, II-р улирлын буцаан олголтыг долоодугаар сард, III-р улирлын буцаан олголтыг аравдугаар сард, IV-р улирлын буцаан олголтыг дараа оных нь нэгдүгээр сард багтаан иргэдэд олгохоор болсон. 

Худалдан авсан бараа, ажил, үйлчилгээнийхээ татварын буцаалтыг бүрэн авч хууль ёсны эрх ашгаа хамгаалахын тулд төлбөрийн баримтаа заавал авч хэвшээрэй.