ДЭМБ-аас хандивласан 3000 оношлуур энэ долоо хоногт ирэх бөгөөд Япон улсын Халдварт өвчин судлалын үндэсний хүрээлэнтэй хамтын ажиллагааныхаа хүрээнд 1000 оношлуур өгөхөөр болсон талаар ЭМЯ-наас мэдээллээ. 

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл "Өнөөдрийн байдлаар манай оронд коронавирусийн халдвар бүртгэгдээгүй ч эрсэл өндөр байна" хэмээн онцоллоо. 

Мөн Коронавирус нь модон эдлэл дээр 9 хүртэлх хоног амьдрах чадвартай. Мөн хүний биеэс ялгарч өтгөн, шээс, нулимс, хөлс, нус, шүлс зэргээр ч коронавирус дамжин халдварлах чадвартай аж. 

ДЭМБ-ын мэргэжилтэн О.Ариунтуяа "Шинэ коронавирусийн халдварын нэршлийг ДЭМБ-аас "Covid-19" гэж нэрлэсэн. Хоёрдугаар сарын 12-ны 10:00 цагийн бүртгэгдсэн тохиолдол 45,168, нас баралт 1,165  байна. ДЭМБ-ын баг БНХАУ-д хоёрдугаар сарын 10-ны өдөр очин ажиллаж байгаа. Мөн олон улсын баг ажиллуулахаар бэлдэж байна. Мөн ДЭМБ-аас 3000 оношлуур энэ долоо хоногт ирнэ. Япон улсаас 1000 оношлуур өгөхөөр болсон" хэмээн ярив. 

Долоон аймагт түр хязгаарлалт тогтоох арга хэмжээ авч байна.

ЦЕГ-ын Нийтийн хэв журам хамгаалах олон нийтийн аюулгүй байдлыг хангах албаны дарга, цагдаагийн дэд хурандаа П.Эрдэнэбат "Цагдаагийн байгууллагаас онцгой комиссоос гарсан шийдвэрүүдийн хэрэгжилтийг хангах чиглэлээр ажиллаж байна. Дархан-Уул, Өвөрхангай, Хөвсгөл, Дорноговь зэрэг долоон аймагт түр хязгаарлалт тогтоох арга хэмжээ авсан. УОК-ын тушаалаар Гашуунсухайт, Шивээхүрэн, Замын-Үүд, Буянт-Ухаа гэсэн дөрвөн боомтод шуурхай бүлэг ажиллаж, тайлангаа тавьсан" гэв.