Засгийн газрын хуралдаанаас гарсан шийдвэрийг Шадар сайд Ө.Энхтүвшин танилцууллаа. 

Тэрээр шинэ төрлийн коронавирусийн аюулаас сэргийлэх зорилгоор Монгол Улсын Ерөнхийлөгч өнөөдөр зарлиг гаргасан. Үүнтэй холбогдуулан XVII жарны Хотол төгс хэмээх Төмөр хулгана жилийн Цагаан сарын баярыг нийтээр тэмдэглэхгүй байх шийдвэр гаргалаа.

2020 оны хоёрдугаар сарын 13 буюу маргаашнаас төрийн болон нутгийн захиргааны байгууллагуудыг өндөржүүлсэн бэлэн байдлын зэрэгт шилжүүлж байна. Хэрэв нөхцөл байдал хэцүү бол сургууль, цэцэрлэгийн хол хориог сунгах нөхцөл ч үүсэж болно хэмээн онцоллоо. 

Шадар сайд Ө.Энхтүвшин "Засгийн газраас Цагаан сарын баярыг тэмдэглэхгүй байх нь зүйтэй гэж байгаа. Хориглоно гэдэг үгийг огт оруулаагүй. Цагаан сарыг гэр бүлийн хүрээнд тэмдэглэх, мөрөө гаргах, гэр дотроо золгох, бууз баншаа жигнэж идэхийг огт хориглоогүй. Зөвхөн хөдөлгөөнийг хориглож байгаа" гэв.