Нийгмийн сүлжээ болон хувийн чатаар ирж байгаа дуут мессеж мэдээлэл нь худал, ташаа мэдээлэл юм. 2020 оны 2 дугаар сарын 12-ний байдлаар Шинэ коронавирусийн/СOVID-19/ халдвар манай улсад бүртгэгдээгүй хэмээн Эрүүл мэндийн яамнаас мэдээллээ. 

Хөвсгөл аймагт нөхцөл байдал хүндэрсэн, хүнсээ базаагаарай гэсэн утга бүхий 47 секундын дуут мессеж бол худал мэдээлэл учраас олон нийтийг энэ мэт эх сурвалж нь тодорхойгүй, олон нийтийг төөрөлдүүлсэн мэдээлэлд итгэхгүй байхыг мөн уриалсан юм. 

Зохион байгуулалтайгаар худал ташаа мэдээлэл тарааж, нийгмийг айдаст автуулах, эмх замбараагүй байдал бий болгохыг хүсч буй нийгмийн сүлжээний хэрэглэгчийг хуулийн байгууллагад хандан шалгуулж, хариуцлага тооцно.

Албан ёсны үнэн бодит мэдээллийг өдөр бүр Эрүүл мэндийн яамнаас 11 цагаас улс даяар шууд мэдээлэл өгч байгаа юм. 

Иймд эх сурвалжаа нягтлаагүй мэдээллийг цааш нь түгээж, дамжуулахгүй байх нь таныг хууль бус үйлдлээс хамгаалахыг анхаарууллаа.