“Эрдэнэс Таван Толгой” ХК иргэдэд 1072 хувьцааг хүртээх шийдвэр гаргасан талаараа өнөөдөр мэдээллээ.

Тус ХК 2019 онд 1 тэрбум 30 сая долларын цэвэр ашигтай ажилласан бөгөөд иргэдэд дээрх хувьцааны үнийн дүн болох 96480 төгрөгийг олгохоор шийдвэрлэжээ.

Нэгж хувьцаанд ногдох төгрөгийн хэмжээг 90 төг бөгөөд одоогийн байдлаар нийт 2 сая гаруй иргэн хувьцаа эзэмшигчээр бүртгэгдсэн байна.

Иргэд хэчнээн хувьцаатай байхаас шалтгаалан дараах хувийг хүртэх юм. Тухайлбал,

• 1072 хувьцаатай 1’080’592 иргэн 96480 төгрөг
• 772 хувьцаатай 667’898 иргэн 67500 төгрөг
• 714 хувьцаатай 334’519 иргэн 64260 төгрөгийг тус тус авах аж.

Бүртгүүлэхийн тулд иргэд “Эрдэнэс-Тавантолгой" аппликейшнийг татах болон "1,072" пэйж хуудас, 1800-1072 тусгай утсаас дэлгэрэнгүй мэдээлэл авах боломжтой аж.  

Мөн “1072” мэдээллийн төв даваа гараг бүрийн 13.00 цагаас иргэдэд шинэ мэдээлэл хүргэх аж.