Өчигдөр Ерөнхийлөгч Х.Баттулга сар шинийн баяраар сүүлийн үеийн технологийн дэвшлийг ашиглан золгохыг уриалсан билээ. Үүнтэй холбогдуулан УИХ-ын дарга Г.Занданшатар банкуудад сар шинийн өдрүүдэд хийх гүйлгээнээс шимтгэл авахгүй байх чиглэлийг Монголбанк болон Банкуудын холбоонд өгөх тухайгаа дуулгалаа. 

Тэрээр “Сар шинийн өдрүүдээр хийгдэж байгаа гүйлгээнээс шимтгэл авахгүй байх талаар Төв банк болон банкуудын холбооныхонтой уулзаж, чиглэл өгсөн” хэмээн онцоллоо. Мэдээллийн технологийн дэвшлийг ашиглаж, иргэд гэрээсээ гаралгүй ахмад буурлууддаа хүндэтгэл үзүүлж болох жишиг тогтоохоор бэлдэж буй энэ үед төрийн байгууллагаас энэ мэт хөнгөлөлтийг үзүүлж байна.