Коронавирусийн халдвараас сэргийлэх зорилгоор улс даяар өндөржүүлсэн бэлэн байдалд шилжсэн бөгөөд сар шинийн баярыг нийтээр тэмдэглэхгүй байхаар Засгийн газраас шийдвэрлэсэн.

Үүнтэй холбогдуулан дараах аймгууд замын хөдөлгөөнийг түр хязгаарлах шийдвэрийг гаргажээ. Үүнд:

- Увс аймгийн Онцгой комиссоос энэ сарын 17-26-ныг хүртэл Улаангом сумаас гарах болон орох замын хөдөлгөөнийг хязгаарлах, 

- Дундговь, Говь-Алтай, Архангай аймгийн Онцгой комиссоос энэ сарын 21-27-ныг хүртэл аймаг, сумын төвөөс гарах, орох иргэд, автомашины хөдөлгөөнийг хязгаарлах,

- Ховд аймгийн Онцгой комиссоос аймаг, сумын төвөөс гарах, орох иргэд, автомашины хөдөлгөөний энэ сарын 21-26-ныг хүртэл хязгаарлах,

- Мөн Хамарын хийд чиглэлийн хөдөлгөөнийг гуравдугаар сарын 2-ныг хүртэл түр хугацаагаар хязгаарлахаар шийдвэрлэжээ. 

Нийслэл хотоос орох, гарах хөдөлгөөний хязгаарлах эсэхийг Улсын Онцгой комиссоос шийдвэрлэх аж.