Засгийн газрын хэрэг эрхлэх газрын дарга Л.Оюун-Эрдэнэ Говь-Алтай аймгийн Засаг дарга В.Ренчиндоржийг үүрэгт ажлаас нь чөлөөлсөн хэмээн мэдэгдлээ. 

Түүнийг ажлын байранд архидан согтуурсан нь тогтоогдсон, баримтаар нотлогдсон тул ийнхүү чөлөөлөхөөр болсон байна. Тэрээр ажлын байранд архи, согтууруулах ундаа оруулснаа хүлээн зөвшөөрсөн бөгөөд ёс зүйн хариуцлага хүлээхэд бэлэн буй. 

Засгийн газрын хэрэг эрхлэх газрын дарга Л.Оюун-Эрдэнэ "Говь-Алтай аймгийн Гэр бүл хүүхэд залуучуудын хөгжлийн газрын дарга Б-ийн амь насаа алдсан асуудлыг цагдаагийн байгууллага шалгаж байгаа бөгөөд мөрдөн байцаалтад багадаа 14 хоног шаардлагатай" гэв.