Өчигдөр буюу хоёрдугаар сарын 20-ны байдлаар Өмнөд Солонгост халдвар авсан иргэдийн тоо 104 байсан бол өнөөдрийн 18.30 цагийн байдлаар даруй хоёр дахин өсөж 204-т хүрлээ. Энэ тоо 15.00 цагийн байдлаар 156 байсан юм.  

Сануулахад, Өмнөд Солонгосын Дэгү хотод орших “Шинчонжи” шашны сүмд явдаг нэгэн эмэгтэйгээс коронавирусын халдвар илэрсэн. Энэ нь тухайн улсад илэрсэн коронавирусын 31 дэх тохиолдол байсан аж. 

Эмэгтэй ямар шалтгааны улмаас халдвар авсан нь тодорхойгүй байгаа ч түүнтэй нэг сүмд явдаг иргэдээс коронавирусын халдвар илэрсээр байна. Ийнхүү Өмнөд Солонгосд коронавирусын халдвар авсан иргэдийн тоо хурдацтай өссөөр.