Өнөөдөр Монгол Улсын Шадар сайд, УОК-ын дарга Ө.Энхтүвшин, НҮБ-ын Суурин зохицуулагч Тапан Мишра, ДЭМБ-ын Суурин төлөөлөгч Сергей Диордица нартай цаг үеийн асуудлаар мэдээлэл солилцож,  уулзалт хийсэн. Энэ үеэр Шадар сайд Ө.Энхтүвшин БНСУ-д нас барсан манай улсын иргэний онош тодорхой болсон бөгөөд коронавирусээс болоогүй талаар дараах мэдээллийг хүргэлээ. 

Шадар сайд Ө.Энхтүвшин: Өнөөдрийн Засгийн газрын хуралдаанаар Эрүүл мэндийн сайд Д.Сарангэрэл холбогдох мэдээллийг өглөө. БНСУ-д нас барсан иргэний үхлийн шалтгааныг тус улсаас албан ёсоор ирүүлсэн байна. Тухайн иргэн коронавирусийн халдварын улмаас бус элэгний архаг үрэвслийн улмаас нас барсан гэдэг дүгнэлтийг БНСУ-ын тал мэдэгдлээ гэв. 

БНСУ-н Намъяанжуд Коронавирусын анхны тохиолдол илэрсэн нь Монгол улсын иргэн байсан талаар бид өмнө нь мэдээллэсэн. Удалгүй хоёрдугаар сарын 25-ны өдөр түүнийг нас барсныг мэдэгдсэн. Түүний нас барсан шалтгаан ийн тогтоогджээ.