Нийслэлийн хүн амыг хүнсээр хангах мэргэжлийн анги, худалдааны төвүүдээс өдөр тутмын мэдээг авч ажиллаж байна. 

Өнөөдөр Нийслэлийн онцгой комисс хуралдлаа. 

Энэ хүрээнд Захирагчийн ажлын албаны дарга Т.Гантөмөр "Нийслэлийн хүн амыг хүнсээр хангах мэргэжлийн 32 анги, худалдааны таван төв гэх мэтчилэн худалдааны чиглэлээр үйл ажиллагаа явуулж буй  байгууллагуудын мэдээг өдөр тутамд авч байна. Жишээлбэл: Өнөөдрийн мэдээгээр бүх төрлийн будаа 148 хоног, махан бүтээгдэхүүн 825 хоног, хүнсний ногоо 198 хоног, сүүн бүтээгдэхүүн 161 хоног зэрэг нөөцтэй байна. Мөн коронавирусийн улмаас махны үнэ өссөн учир энэ долоо хоногоос нөөцийн махыг худалдаанд гаргах чиглэл өгсөн" гэв.