Засгийн газрын хуралдааны шийдвэрээр өнөөдөр 06:00 цагт Нийслэлээс гарах, орох хөдөлгөөнийг нээсэн. 

Өнөөдрийн 12 цагийн байдлаар Нийслэлээс 521 тээврийн хэрэгсэл, 1449 зорчигч гарсан бол 843 тээврийн хэрэгсэл, 2125 иргэн нийслэл рүү орсон байна. 

"Өлзийтийн шалган нэвтрүүлэх товчоогоор Нийслэлээс гарч буй иргэд Төв, Дундговь, Өмнөговь аймгийн чиглэлд зорчиж байна. Нийслэлээс гарах, орох хөдөлгөөн 2 хоног үргэлжлэх төлөвтэй байна" хэмээн ХУД дэх ЗЦ-ийн хэлтсийн Урьдчилан сэргийлэх ажилтан , зохицуулагч Дэслэгч Д.Батжаргал хэлэв. 

Нийслэлээс гарах, орох хөдөлгөөнийг нээсэнтэй холбогдуулан Мэргэжлийн хяналтын байгууллага, Цагдаагийн газраас хяналтын цэгүүдээр орж ирж буй зорчигчдоос эрүүл мэндийн байдлын талаарх асуумж авч, эрүүл мэндийн байгууллагаас иргэдийн халууныг хэмжиж байгаа юм. 

Шалган нэвтрүүлэх цэгүүдэд бүртгүүлж гарсан 40 гаруй мянган иргэн, 14 мянга орчим тээврийн хэрэгсэл Улаанбаатар хотод буцаж орж ирнэ гэж цагдаагийн байгууллагаас тооцолсон аж.