Гуравдугаар сарын 02-ны өдөр "Аэрофлот"-оор ирсэн, Дорноговь аймгийн Улаанбадрах суманд үйл ажиллагаагаа явуулдаг "Бадрах энержи" компанид ажилладаг Францын иргэнээс эхний шатны шинжилгээгээр коронавирусийн халдвар илэрчээ.

Тэгвэл тухайн иргэн гуравдугаар сарын 2-нд Төв номын сангийн урд байрлах KFC-гээр үйлчлүүлжээ.

Энэ өдөр  KFC-гийн тухайн салбараар үйлчлүүлсэн болон хүргэлт хийлгэсэн иргэдийг сайн дураараа шинжилгээнд хамрагдахыг уриалж байна.

Эрүүл мэндийн яамнаас гаргасан зөвлөмжид:

 -Хэрэв халуурах, ханиалгах, амьсгалахад хүндрэлтэй, суулгах зэрэг шинж тэмдэг илэрвэл өөрийгөө тусгаарлан амны хаалт зүүж, эрүүл мэндийн байгууллагад яаралтай хандах.

-Эрүүл мэндийн хуудсыг үнэн зөв бөглөж, өөрийгөө болон гэр бүлээ эрсдэлээс хамгаалах.

-Өвчлөл гарсан бүс нутагт зорчсон бол 14 хоног гэртээ байж, өөрийгөө ажиглах хэмээн зөвлөжээ.