Нийслэлийн Онцгой комиссын шийдвэрээр дараах үйлчилгээний газруудын үйл ажиллагааг гуравдугаар сарын 16-ны 07:00 цаг хүртэл түр хугацаагаар зогсоолоо. Үүнд: 

- Хүнсний худалдаанаас бусад бүх төрлийн худалдаа, үйлчилгээний газрууд /Их дэлгүүрүүдийн хүнсний худалдаанаас бусад бүх тасгууд, бүх төрлийн барааны дэлгүүр/

- Зах, худалдааны төвийн хүнс, ахуйн хэрэглээний бараанаас бусад бүх төрлийн бараа бүтээгдэхүүний худалдаа, хүргэлтийн үйлчилгээ/

- Бүх төрлийн хүргэлтийн хоолны үйлчилгээ

- Халуун усны үйлчилгээнээс бусад бүх төрлийн ахуйн үйлчилгээний цэг салбарууд /үсчин, гоёлын гоо засал, хувцас засвар, гутал захиалга, засвар, хими цэвэрлэгээ, гэр ахуйн модон эдлэл захиалга, засвар, ахуйн электрон, цахилгаан хэрэгсэл засвар, цоож, цаг, нүдний шил засварлах, түлхүүр олшруулах, цүнх захиалга, засвар, алт, мөнгө, үнэт эдлэлийн захиалга, засвар, худалдаа, гэрэл зураг авах, угаах үйлчилгээ, айл нүүлгэх үйлчилгээ/

-Дугуй засварын үйлчилгээнээс бусад бүх төрлийн авто засвар, үйлчилгээ, худалдааны газрууд автомашины худалдаа, авто сэлбэгийн худалдаа, бүх төрлийн авто засвар, бусад үйлчилгээ 

- Смарт карт цэнэглэгч, борлуулагч цэгээс бусад төрлийн түргэн үйлчилгээний цэгүүдийн үйл ажиллагааг түр зогсоосон юм. 

22:00 цаг хүртэл ажиллах газрууд: 

Ресторан, кафе, цайны газар, кофе шоп, түргэн хоолны газрууд өмнөх зохицуулалтын дагуу 22:00 цаг хүртэл ажиллана. 

Мөн Улсын Онцгой комисс болон Нийслэлийн Онцгой комиссоос гаргасан шийдвэрийг зөрчсөн иргэн, ААН байгууллагын үйл ажиллагааны мэдээллийг НМХГ-ын 70128012 дугаарын утсанд буюу харъяа дүүргийн мэргэжлийн хяналтын хэлтэст мэдээллэхийг МХЕГ-аас зөвлөлөө. 

Эх сурвалж: МХЕГ