Өнөөдөр 279 дэлгүүрт нөөцийн махыг түгээж, 15:00 цагаас худалдаалж эхэлнэ.

Нийслэлийн Засаг даргын гаргасан захирамжийн талаар танилцуулж байна. Энэ үеэр Улаанбаатар хотын Ерөнхий менежер Т.Гантөмөр "Нийт 15 аж ахуйн нэгж байгууллага 13 тонн орчим нөөцөлсөн махыг хөрөөдөж савлах бэлдэх ажил хийгдэж байна. 9-ны өдөр гаргах ёстой байсан ч хил хаасантай холбоотой хойшлогдсон. Өнөөдөр 279 дэлгүүрт нөөцийн махыг хүргэж зорилтот бүлгийн дэлгүүрээр 1-2 кг ын савлагаатай нөөцийн махыг борлуулж эхэлнэ. Нэг хороонд 3 хүртэлх дэлгүүрт мах түгээнэ" хэмээн мэдээллээ. 

Өчигдөр л гэхэд иргэд махны үнэ нэмэгдсэн, жижиглэнгийн мах байхгүй, бүхэл гулуузаар л зарж байна гэх мэтчилэн асуудлууд гарч байсан. Харин өнөөдрөөс ийнхүү нөөцийн мах худалдан авах боломжтой болж байна.