Бүгд найрамдах Солонгос улсад Монгол улсын хоёр иргэн Covid-19 халдвар авсан гэх мэдээллийн талаар БНСУ-ын талаас албан ёсны мэдээллийг хүлээж байна.

БНСУ-ын хэвлэлүүдээр зөрүүтэй мэдээллүүд ч явж байгаа тул БНСУ дахь Монгол Улсын Элчин сайдын яамнаас тус улсын Халдварт өвчин судлалын төвтэй холбогдсон аж. Тус төвөөс нарийвчилж тодорхой мэдээлэл өгөхөөр болжээ.

"БНСУ-д ажлын цаг дууссан тул маргааш өглөө ажлын цаг эхлэхэд албан ёсны мэдээлэл ирэх төлөвтэй байна" хэмээн Засгийн газрын хэвлэл мэдээлэл, олон нийттэй харилца албанаас мэдээллээ. 

Солонгосын news.joins.com сайтад мэдээлснээр БНСУ-д халдвартай гадаадын 60 иргэн бүртгэгдсэнээс:

• БНХАУ-аас 38
• Америк -7,
• Монгол-2,
• Вьетнам -2,
• Аргентин - 2,
• Австрали - 2,
• Тайланд 1,
• Польш 1,
• Япон 1,
• Индонезид 1,
• Узбекистан-1,
• Малайзын- 1 иргэн байгаа талаар дурджээ.