Apple компани БНХАУ-аас бусад улсуудад байрлах бүх дэлгүүрүүдээ гуравдугаар сарын 27-ны өдрийг хүртэл хааж байгаагаа мэдэгджээ. 

Хятад улсад коронавирусийн дэгдэлт буурч байгаатай холбогдуулан тус компани өнгөрч буй долоо хоногт тухайн улсад байрлах 42 дэлгүүрээ нээж, хэвийн ажиллагаанд шилжүүлсэн . Гэсэн хэдий ч дэлхийн бусад улс орнууд дахь дэлгүүрүүдээ түр хугацаагаар буюу гуравдугаар сарын 27-ныг хүртэл хааж байна. Коронавирусийн тархалтыг зогсооход чиглэсэн энэхүү арга хэмжээний хүрээнд дэлгүүрүүд хаагдсан ч Apple-ийн үндсэн ажилтнуудын хувьд цалинтай байх бөгөөд онлайн худалдаа хэвийн үргэлжлэх юм.

Мөн Apple компаний гүйцэтгэх захирал Тим Күк "Манай компаниас Covid-19-ийн тархалттай тэмцэх үйлсэд  15 сая.долларыг хандивласан" хэмээн баасан гарагт мэдээллэжээ. Коронавирусийн тархалтын голомт Хятадад өндөрлөж, бусад улс орон, бүс нутагт тахлын голомт шилжсэн нь энэ мэтчилэн харагдаж байна.