Улсын Онцгой комиссоос байгуулсан Шуурхай штабаас мэдээлэл хийлээ. 

Хэвлэлийн хурлын эхэнд ОБЕГ-ын дарга Т.Бадрал "Гадаадад байгаа монголчуудаа татаж авах ажлыг үргэлжүүлж байна. Энэ сарын 18-нд Туркийн Истанбулаас нэг онгоц хүлээж авна. Өнөөдрийн байдлаар коронавирусийн халдвар бүртгэгдсэн улсын тоо 150-д хүрсэн байна. Тиймээс энэ цаг үеэс эхлэн гаднын улсын иргэдийг хүлээж авахгүй. Гадны улсуудад нөхцөл байдал хүндэрч байгаа бөгөөд тэр хэмжээгээр манай оронд эрсдэл өдрөөс өдөрт нэмэгдэж байна” гэв. 

Харин Шударга өрсөлдөөн хэрэглэгчийн төлөө газраас "Бараа бүтээгдэхүүний үнийг зохиомлоор өсгөх тохиолдол их байна. Өнгөрсөн долоо хоногт махны үнийг зохиомлоор өсгөсөн тул "И март" худалдааны төвд зөрчлийн хуулиар торгууль оногдуулсан. Иргэд бараа бүтээгдэхүүний үнийг зохиомлоор ихэсгэж буй баримттай мэдээлэл ирүүлвэл санал гомдлын дагуу шуурхай хүрч ажиллана" гэв.