ШӨХТГ-аас өдөр бүр улсын байцаагчид хяналт шалгалт хийж буй бөгөөд тус газрын дарга Б.Лхагва цаг үеийн асуудлаар мэдээлэл хийлээ. 

Энэ үеэр ашигт малтмал газрын тосны газраас түлшний гадаад хилийн үнэ буурсантай холбогдуулан хэрэглэгчийн эрх ашгийг харгалзан бөөний болон жижиглэнгийн үнийг бууруулах, бизнес эрхлэгч болон автомашин хэрэглэгчдэд ил тод мэдээлэл өгч, авсан арга хэмжээнийхээ талаарх мэдээллийг 2020 оны гуравдугаар сарын 22-ны дотор ирүүлэх шаардлага хүргүүллээ.  

ОХУ-ын "Роснефть" компанийн гадаад хилийн үнэ 2020 оны гуравдугаар сард тонн тутамдаа А80 автобензин 539 ам.доллар, АИ92 автобинзен 569 ам.доллар, дизель түлш 566 ам.доллар болсон. Ингэснээр өнгөрсөн хоёрдугаар сартай харьцуулахад А80, АИ92 автобинзен тонн тутамдаа 58 ам.доллар, дизель түлш 86 ам.доллараар тус тус буурчээ.

Ингэснээр:

А80- литр тутамдаа 198 төгрөг

АИ90- литр тутамд 194 төгрөг

Дизель түлшний үнэ- 335 төгрөг литр тутамдаа ашигтай байгаа аж.

Мөн ШӨХТГ хяналт шалгалтын ажлыг хийх явцад төр засаг, УОК-оос тавьж буй шаардлагыг иргэн, ААН бүр биелүүлэх шаардлагатай байгааг дурдав.