ЭМЯ-наас коронавирусийн нөхцөл байдлын талаар мэдээлж байна.

Өчигдөр 22:50 цагт тусгай үүргийн онгоцоор Сөүл-Улаанбаатар, Берлин-Улаанбаатар чиглэлийн нислэгээр ирсэн гурван иргэнээс covid-19-ийн халдвар илэрсэн талаар бид мэдээлсэн билээ. 

"Өнөөдрийн байдлаар 160 улсад шинэ коронавирусийн халдвар бүртгэгдсэн. Тусгай үүргийн онгоцоор ирсэн иргэдийг тусгаарлаж, хяналтад авсан" талаар ЭМЯ-ны хэлтсийн дарга Д.Нарангэрэл мэдээллээ. 

Халдвар илэрсэн 2 иргэн БНСУ-д байхдаа эмнэлгийн байгууллагаар үйлчлүүлж байсан. Тэгэхээр эрүүл мэндийн байгууллагаар үйлчлүүлж буй иргэд коронавирус халдвар авах өндөр эрсдэлтэй тул ЭМЯ-ны зөвлөмжийг сайтар дагаж, дархлаагаа дэмжихийг зөвлөж байна.

ЭМЯ-ны Эмнэлгийн тусламжын газрын дарга Я.Буянжаргал" Өчигдөр Токио-УБ чиглэлийн онгоцоор 256 иргэн ирсэн бөгөөд халдвахр ихтэй бүс нутгаас ирсэн иргэдийг Цэргийн төв эмнэлэгт тусгаарласан" гэв.

ХӨСҮТ-ийн ерөнхий захирал Д.Нямхүү "Франц иргэнтэй ойрын хавьтал болсон 88 иргэний шинжилгээний хариу сөрөг буюу халдвар илрээгүй нь тогтоогдсон. Тусгай үүргийн онгоцоор ирж тусгаарлагдсан 2, Франц улсаас дамжин ирсэн 1 иргэнд нийт 3 иргэнд халдварын шинж тэмдэг илэрсэн. Халдвар авсан 3 иргэнтэй хавьтал болсон 111 хүнийг тусгаарласнаас 61 хүнд халдвар илрээгүй. Үлдсэн хавьтлуудад тандалт шинжилгээ хийгдэж байна " гэв. 

Мөн 10-15 минутад хариу нь гардаг түргэвчилсэн тестээр тусгай үүргийн онгоцоор ирсэн 43 хүнд шинжилгээ хийхэд тэднээс коронавирусийн халдвар илрээгүй хэмээн онцоллоо.