ЭМЯ-ны хэвлэлийн хурлын үеэр ХӨСҮТ-ийн ерөнхий захирал Д.Нямхүү дараах мэдээллийг өглөө. 

Тэрээр халдвар илэрсэн гурван иргэн 37, 50 болон 60 гаруй насны эмэгтэйчүүд хэмээн онцоллоо. 

-Гуравдугаар сарын 11: халдвар авсан нь батлагдсан Франц иргэний тохиолдлын хавьтал болох 88 хүний давтан шинжилгээнд COVID-19 илрээгүй. Франц иргэнтэй холбоотой хавьтлуудын шинжилгээ өмнө нь тодорхой мэдээлэгдсэн бөгөөд хавьтлуудын шинжилгээний хариу үүгээр дуусаж байна. Гэхдээ хавьтлуудын тусгаарлагдах хоног арай дуусаагүй.

-Гуравдугаар сарын 15: ХӨСҮТ-д тусгаарлагдсан нэг, Баян-Өлгий аймагт тусгаарлагдсан нэг хүний шинжилгээний хариу тус бүр сөрөг гарч, коронавирус илрээгүй. Өчигдөр ХӨСҮТ-д нэг сэжигтэй тохиолдол тусгаарлагдсанд тандалт судалгаа хийж байна.

-Гуравдугаар сарнын 16: БНСУ-аас ирж тусгаарлагдсан хоёр, Франц улсаас дамжин ирж тусгаарлагдсан нэг тохиолдол, нийт гурван хүний шинжилгээнд халдвар илэрч, Монгол хүнд халдвар илэрсэн тохиолдол албан ёсоор бүртгэгдсэн. ХӨСҮТ-д батлагдсан тохиолдлуудын ойрын хавьтал болох 111 хүнийг тусгаарласан бөгөөд 61 хүний шинжилгээний хариу нь сөрөг гарч, халдвар илрээгүй.