Дөнгөж сая Эрүүл мэндийн яамнаас Италиас ирсэн Монгол иргэнээс коронавирусийн халдвар илэрсэн талаар мэдээллээ.

Ийнхүү Монгол улсад коронавирусийн 5 дахь тохиолдол бүртгэгдлээ.

ЭМЯ-ны Төрийн захиргааны удирдлагын газрын дарга Б.Цогтбаатар "Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирж, ХӨСҮТ-д тусгаарлагдсан 30 настай эмэгтэйн шинжилгээнээс коронавирусийн халдвар илэрлээ. Ингэснээр манай оронд бүртгэгдсэн 5 дахь тохиолдол болж байна. Тухайн иргэн Италиас ирсэн бөгөөд лабораторийн шинжилгээгээр халдвар илэрсэн нь тогтоогдсон учраас ойрын хавьтлыг судалж эхэлсэн. Тухайн иргэний биеийн байдал тогтвортой байна" гэв. 

Тухайн иргэний биеийн байдал тогтвортой байна.

Өчигдөр Сөүл- Улаанбаатар, Берлин-Москва-Улаанбаатар чиглэлийн тусгай үүргийн онгоцоор ирсэн гурван иргэнээс халдвар илэрсэн бөгөөд анхны тохиолдол болох Франц иргэнтэй нийлээд нийт 5 тохиолдол бүртгэгджээ.

Улсын Онцгой комиссын шийдвэрийн дагуу Итали, Иран, БНСУ-ын Дэгү, Буман хотоос ирж буй иргэдийг ХӨСҮТ-д тусгаарлан зөвлөгөө, тусламж үзүүлж байна.