Эрүүл мэндийн яамнаас коронавирусийн нөхцөл байдлын талаар мэдээллээ. 

ХӨСҮТ-ийн ерөнхий захирал Д.Нямхүү "Өчигдөр Италиас ирсэн нэг иргэнээс халдвар илэрсэн талаар мэдээлсэн. Тэгвэл Берлин-Москва-Улаанбаатар чиглэлийн тусгай үүргийн онгоцоор ирсэн нэг иргэнд түргэвчилсэн оношлуурыг ашиглан шинжилгээ хийхэд тухайн иргэний шинжилгээний хариу эерэг буюу коронавирусийн халдвар илэрсэн. Гэхдээ дахин лабораторийн шинжилгээнд хамруулж байгаа бөгөөд хариу нь үдээс хойш гарна" гэв. 

ЭМЯ-ны Олон нийттэй харилцах, тандалт, шуурхай удирдлагын газрын дарга Д.Нарангэрэл "Өчигдөр гаднаас зөөвөрлөгдөн орж ирсэн 5 дахь тохиолдол бүртгэгдсэн. Ойрын хавьтал болсон 13 хүнд шинжилгээ хийж байгаа. Олон нийтийн газраар үйлчлүүлэхдээ хүмүүсээс нэг метрийн зайд байхыг ДЭМБ-аас зөвлөсөөр байна" гэв.

Зам тээвэр хөгжлийн яам "Халдвар гарснаас хойш 24 цагийн бэлэнд байдалд ажиллаж байна.Улаанбаатар-Истанбулын нислэгээр 250 гаруй иргэн ирнэ гэсэн мэдээлэлтэй байна. Баян-Өлгий аймгаас бусад газрын замын хөдөлгөөнд хязгаарлалт хийгээгүй" гэв.

ЭМЯ-ны Эмнэлгийн тусламжын газрын дарга Я.Буянжаргал "Нийт сэжигтэй 300 тохиолдол хянагдаж байгаа бөгөөд батлагдсан 5 тохиолдол бүртгэгдсэн. Өнөөдөр Истанбулаас 252 зорчигч ирсэн гэх мэдээлэл байна. Голомттой бүс нутгаас ирсэн иргэдийг ХӨСҮТ-д тусгаарлана. ОХУ-аас ирэх иргэдийн тоо нэмэгдэх хандлагатай байна. Тохиолдол нэмэгдвэл ямар арга хэмжээ авах талаар стратеги боловсруулсан бөгөөд энэ төлөвлөгөөнийхөө дагуу ажиллаж байна. Эмнэлгүүдийн орны ачаалал нэмэгдсэн тохиолдолд гэрээр тусгаарлах стратеги боловсруулна. Өнөөдөр Хятад эмч нартай онлайнаар холбогдож туршлага солилцоно" гэв.

Өнөөдрийн 14:00 цагийн байдлаар: