УИХ-ын гишүүн З.Нарантуяа "Коронавирусийн эдийн засагт нөлөөлөх нөлөөллийн бодит байдлыг үнэлж, учрах эрсдлийг бууруулах хүрээнд авч хэрэгжүүлж буй ажлын талаар" Ерөнхий сайд У.Хүрэлсүхэд 7 зүйл бүхий асуулга тавьжээ. 

Тэрбээр коронавирусийн халдвар эдийн засаг, нийгэм, санхүүгийн салбарт үзүүлж болзошгүй нөлөөллийн тооцоолол болон тус нөлөөллийг саармагжуулах төлөвлөгөө, төсвийн бодлого, санхүүгийн байгууллагуудын эх үүсвэрийн байдлыг асуулгадаа тусгажээ. 

Тэрээр асуулгадаа "Хариуг УИХ-ын чуулганы цахим хуралдаанд танилцуулж, эрсдлийн эсрэг авч буй арга хэмжээ, улсын төсвийн талаар баримталж буй бодлого болон бусад бодлогын дэмжлэгийн талаар нээлттэй мэдээлж, хэлэлцэх шаардлагатайг анхаарна уу" гэжээ