Улсын Онцгой комиссын 13 дугаар хуралдаанаар сургууль, цэцэрлэгийн үйл ажиллагааг дөрөвдүгээр сарын 30-ныг хүртэл зогсоохоор шийдвэрлэлээ. 

Коронавирусийн халдвараас урьдчилан сэргийлэхийн тулд бүх шатны боловсролын байгууллагын үйл ажиллагааг 2020 оны гуравдугаар сарын 30-ныг хүртэл зогсоогоод байсан ч үргэлжлүүлэн нэг сараар сунгаж байна.

Өнгөрсөн лхагва гарагт Эрүүл мэндийн яамнаас хөл хориог дөрөвдүгээр сарын 30-ныг хүртэл сунгах саналыг гаргасан юм. Энэ саналыг БСШУСЯ-наас УОК-т уламжилсан аж. 

БСШУС-ын сайд Ё.Баатарбилэг "Энэ өөрчлөлттэй холбогдуулан 2020-2021 оны хичээлийн шинэ жил ирэх наймдугаар сарын 15-наас хичээл эхлүүлэх зохицуулалт хийж байна" гэв. 

Шийдвэрүүд:

-Хөл хориог сунгасантай холбоотойгоор элсэлтийн ерөнхий шалгалтыг сонгуулийн дараа буюу зургаадугаар сарын 24-нөөс хойш авна.

-Багш нарын амралтын хуваарьт өөрчлөлт орохгүй.

-Дөрөвдүгээр сарын 30-ноос эхлэн долоо хоног бүрий бямба гарагт хичээллэнэ.