2020 оны гуравдугаар сарын 23-ны 08:00 цагийн байдлаар дэлхийд коронавирусийн нийт 336,068 тохиолдол бүртгэгдэж, уг тахлын улмаас 14,613 хүн нас баржээ. Жишээлбэл:

• БНХАУ: 81,054 тохиолдол, 3261 нас баралт
• Итали: 59,138 тохиолдол, 5476 нас баралт
• АНУ: 32,783 тохиолдол, 416 нас баралт
• Испани: 28,603 тохиолдол, 1756 нас баралт
• Герман: 24,873 тохиолдол, 94 нас баралт

Вирус тархалтын эхэн үед голомт болоод байсан БНХАУ нь нийт тохиолдол, нас баралтаар тэргүүлж байгаа ч шинээр нэмэгдэх илэрц маш бага хэмжээнд хүрсэн. Харин коронавирусийн голомт Европ тивд шилжээд байна. Итали улс гэхэд шинэ тохиолдлын тоо 4825-аар өсөж, нэг хоногт 793 хүн нас баржээ.

 Мөн коронавирусийн халдвар голомтлон тархаад буй АНУ гуравдугаар сарын 21-нд шинэ тохиолдол 4824, шинээр бүртгэгдсэн нас баралтын тоо 46 байсан бол гуравдугаар сарын 22-нд шинэ тохиолдол 8576 бүртгэгдэж, шинэ нас баралт 114 хэмээн тэмдэглэгджээ.

Нью-Йорк хотын захирагч Andrew Cuomo "Коронавирусийн тархалт есдүгээр сар хүртэл үргэлжлэх магадалтай. Мөн хүн амын 80 хүртэлх хувь нь вирусийн халдвар авах боломжтой" хэмээн Ням гаригт сэтгүүлчидтэй хийсэн мэдэгдлийн үеэр хэлжээ. 

Мөн Нью-Йорк мужид коронавирусийн 15,168 тохиолдол, нас баралтын 76 тохиолдол бүртгэгдсэн талаар мэдээллэсэн юм. 

Эх сурвалж: worldometers.info, businessinsider.com