Улсын Онцгой комиссын шуурхай штабаас мэдээлж байна. 

УОК-ын шуурхай штабын хэвлэлийн төлөөлөгч Б.Дуламсүрэн "Цагаан нуурын боомт, Сэлэнгэ аймгийн боомтыг түр зогсоох, Буянт-Ухаа, Алтанбулагийн боомтоор иргэдээ татан авах ажлыг эхлүүлээд байна. Тусгаарлалтаас гарсан иргэдийг үргэлжлүүлээд 14 хоног гэрт нь тусгаарлах юм. ОХУ-ын Ташанта Монгол Улсын Цагааннуур авто замын боомтоор нэвтрэх хүсэлт гаргасан Монгол Улсын 36 оюутан байна. Үүнээс 11 оюутан өнөөдөр ирж байгаатай холбогдуулан хүлээн авах тусгаарлах байрыг бэлэн болгох бэлтгэл ажлаа ханган ажиллаж байна" гэлээ." гэв. 

ХХААХҮЯ-ны дэд сайд "Хүнсний хангамж хэвийн байгаа учраас хүнсний хомсдол үүсэхгүй. Дутсан улаанбуудайг импортоор оруулж ирсэн. Өнөөдрийн байдлаар 279 дэлгүүрт нөөцийн мах худалдаалж байна" гэв. 

Мөн "Алтанбулаг боомтоор 455 зорчигчийг эрүүл мэндийн хяналтын дор нэвтрүүлж, тусгаарласан. Баян-Өлгийн Цагаан нуурын боомтоор орж ирсэн 306 зорчигчийг тусгаарлан, ажиглалт хийж байгаа" хэмээн онцоллоо. 

ГХЯ-ны төлөөлөгч Л.Мөнхтүшиг "Дэлхийн ихэнх улс хилийн хориг тавьж байгаа учраас эх орондоо ирэхээр хүсэлт гаргасан ч ирэх боломжгүй болж байна. Ийм учраас БНХАУ болон Москвагаар дамжин ирэх боломжгүй болсон. Гадаад улс руу чартер нислэг үйлдэх шийдвэр гараагүй. Гадаадаас ирэх зорчигчдын хүсэлтийг УОК-ын шуурхай штаб бүртгэж авахгүй.