ЭМЯ-наас коронавирусийн нөхцөл байдлын талаар мэдээлж байна. 

АНУ-аас Монгол улсын Засгийн газарт 3.3 тэрбум төгрөг хандивлалаа. 

АНУ-ын Элчин сайд "Коронавирусийн эсрэг Монгол улсын Засгийн газрын хэрэгжүүлж буй арга хэмжээ өндөр сэтгэгдэл төрүүлсэн учраас Монгол Улсын Засгийн газарт 3.3 тэрбум төгрөг хандивлаж байна" гэв. 

НҮБ-ын Хүүхдийн сангийн суурин төлөөлөгч "Хөл хорио тогтоож сургууль, цэцэрлэгийн үйл ажиллагааг зогсоосон энэ үед хүүдүүдэд хоол хүнсний дэмлжг үзүүлэх ажлыг ДЭМБ болон Улаан Загалмайн нийгэмлэгтэй хамтран хэрэгжүүлж байна. Мөн хөл хорио тавьсны дараа хүүхдүүдийг сургууль, цэцэрлэгт нь ороход халдваргүйжүүлэлийг хангана" гэв. 

Эрүүл мэндийн сайд Д.Сарангэрэл "АНУ-ын Засгийн газар ДЭМБ болон НҮБ-ын Хүүхдийн сангаар дамжуулан 3.3 тэрбум төгрөг хандивлалаа. Монголд халдварын 10 тохиолдол гаднаас зөөвөрлөгдөн орж ирсэн. Гэхдээ эх орондоо амьдарч буй иргэдийн дунд халдвар тархаагүй . Халдвараас урьдчилан сэргийлэхийн тулд эрүүл мэндийн салбар бүхий л хүч чадлаа дайчлан ажиллаж байна" гэв.