Өнөөдөр МҮХАҮТ-д эдийн засагчид "Covid-19: эдийн засаг дахь нөлөө, компани дампуурах, иргэд ажилгүй болох, ядуурал гүнзгийрэхээс сэргийлэх арга хэмжээ, судалгаа"-г танилцуулж байна. 

Энэ үеэр Эдийн засагч Б.Дөлгөөн "Хот суурин газарт оршин суудаг иргэд цалин, хувийн бизнес, тэтгэвэр зэрэг нь орлогын эх үүсвэр болоод байна. Харин хөдөө орон нутгийн иргэд хөдөө аж ахуйгаас орлого олох боломж байдаг. Гэтэл коронавирусээс урьдчилан сэргийлэх энэ үйл ажиллагааны үед хэрэв хувийн бизнес хаагдвал Улаанбаатар хотод байгаа иргэд ядууралд өртөх юм. Үүнд 475 мянган хүн өртөхөд бэлэн байна" хэмээн мэдээллээ.  

Мөн тэрээр "1500 компанид хийсэн судалгаанаас үзэхэд 33 хувь нь ажлын байрандаа цомхотгол хийсэн байгааг" хэлэв.

Ерөнхийдөө энэ үед сонгуульд зарцуулах төсөв, элдэв сайн дурын мөнгөө ААН-үүдэд зээл болгоод олговол манай улсад ирэх санхүүгийн дарамт нь буурах юм. Гол ойлгох ёстой ухагдахуун бол энэ вирус, өвчин арилсан ч түүнээс үүссэн эдийн засгийн түгжрэл цааш үргэлжлэсээр байх юм.