Эрүүл мэндийн яамнаас коронавирустай холбоотой цаг үеийн асуудлаар мэдээлэл хийж байна. 

Энэ үеэр ХӨСҮТ-ийн захирал Д.Нямхүү "Гуравдугаар сарын 23-ны өдөр нийслэлийн зургаан дүүргийн эмнэлгээс түүврийн аргаар 28 хүнийг сонгож шинжилгээ хийхэд коронавирэс илрээгүй. Энэ нь эмнэлгүүдэд уушигны хатгалгаагаар өвдсөн хүмүүс дунд уг вирусийн халдвар илэрч магадгүй гэж үзэн уг шинжилгээг хийж байна. Өнөөдрийн байдлаар ХӨСҮТ-д 186 хүн ажиглалт, тандалтад байна" хэмээн мэдээллээ.

Мөн коронавирусийн шинжилгээг хамар, цэр, цус, өтгөн, шээс гэсэн таван сорьцоор авч байна. 14 хоногийн тусгаарлалтаас гарч байгаа иргэдээс дарааллан гурван өдрийн шинжилгээ авч эмнэлгээс гарсны дараа гэрт нь 14 хоног тусгаарлахаар гарын үсгийг авч, чухал үүргийг хүлээлгэж байна.