Засгийн газрын өнөөдрийн хуралдаанаар ЖДҮ-ийг хөгжүүлэх сангаас зээл олгох журмыг шинэчиллээ.

Журамд шинээр батлагдсан Жижиг дунд үйлдвэрлэл үйлчилгээг дэмжих тухай болон Засгийн газрын тусгай сангийн тухай хуулийн хүрээнд зохицуулсан зохицуулалтыг тусган 2019 онд батлагдсан журмын ерөнхий бүтэц агуулгыг алдагдуулахгүйгээр дараах гол зохицуулалтуудыг нэмж оруулсан байна.

• Бичил, жижиг, дунд ангилалд хамаарах зээлийн хэмжээг тогтоосон
• Хөнгөлөлттэй зээл олгох хэлбэрийг хуулийн хүрээнд шинэчлэн зохицуулсан
• Дамжуулан зээлдүүлэх арилжааны банкинд тавигдах шаардлагыг бууруулж, өрсөлдөөнийг нэмэгдүүлсэн
• Хороо, дэд хорооны гишүүнд тавигдах шаардлага бий болгосон
• Орон нутагт олгох зээлийн хэмжээг нэмсэн

Засгийн газрын Хэвлэл мэдээлэлтэй харилцах хэлтсээс "Зээлийн мэдээллийн сан үүсгэх, эргэн төлүүлэх, хяналт тавих үйл ажиллагааны зохицуулалтыг бий болгосон" гэж мэдээллээ.