Сөүл, Токио руу тусгай үүргийн нислэг илгээж, иргэдээ татан авчрах болсон талаар Улсын Онцгой комиссын шуурхай штабаас мэдээллээ. 

ОБЕГ-ын дарга Т.Бадрал "Дөрөвдүгээр сарын 2-нд 08:00 цагт Сөүл, дөрөвдүгээр сарын 3-нд Токио, 4-нд 08:30 цагт дахин Сөүл рүү тусгай нислэг хийнэ" хэмээн мэдээллээ.

Мөн тэрээр "Таван удаагийн тусгай үүргийн онгоц илгээж, иргэдээ авчирсан. Нийт 4805 гаруй иргэд эх орондоо ирэх хүсэлт гаргасан бөгөөд гурван удаагийн тусгай нислэгээр 750 гаруй иргэнийг эх оронд нь авчрах боломжтой. Тэднийг багадаа 21 хоног тусгаарлана" хэмээн онцоллоо. 

Тусгай нислэгийг Истанбул, Берлин чиглэлд хийх боломжгүй байна.