Онцгой нөхцөл байдалд эдийн засгийг дэмжих хүрээнд Засгийн газраас дараах шийдвэрүүдийг гаргалаа.Үүнд:

1. Нийгмийн даатгалын шимтгэлээс бүх аж ахуй нэгж, компанийг бүрэн чөлөөлж байна. (04.01-10.01)

2. Иргэдийн цалин хөлснөөс орлогын албан татвар авахгүй. (04.01-10.01)

3. 1.5 тэрбумаас доош орлоготой ААН-үүдээс ААНОАТ авахгүй бөгөөд бүрэн чөлөөлж байна. (04.01-10.01)

4. Үйл ажиллагаа нь доголдож, орлого нь буурч байгаа боловч ажлын байраа хадгалсан хувийн хэвшлийн аж ахуйн нэгжүүдийн ажилтан бүрт сар бүр 200 мянган төгрөгийн дэмжлэгийг гурван сарын хугацаанд олгоно.

5. Малчдаас ноолуур авахад зориулж 3%-ийн хүүтэй 300 тэрбум төгрөгийн зээл олгоно. Зээлийг Засгийн газар хариуцна.

6. 18 нас хүртэлх насны хүүхэд бүрт гурван сарын хугацаанд сар бүр 10,000 төгрөгөөр нэмэгдүүлж, хүүхдийн мөнгийг 30,000 төгрөг болгож байна.

7. Шатахууны үнийг дөрөвдүгээр сарын 15-наас эхлэн литр тутамд 300-400 төгрөгөөр бууруулна

Эдгээр арга хэмжээнд нийт 5 их наяд төгрөгийн эдийн засгийн шийдвэр гаргаж байна.

Мөн энэ үеэр төсвийн тодотгол хийхгүй, бүтээн байгуулалтын ажлыг танахгүй, барилгын компани ААН-ыг ажилгүй болгох эрсдэл үүсгэхгүй хэмээн мэдэгдлээ.