Загсийн газар ээлжит бусаар хуралдан, эхний зургаан сард авах шийдвэрийг ерөнхий сайд танилцуулж байна.

Тэрээр "Ерөнхийлөгчийн уриалгад хүндэтгэлтэй ханадана, гэхдээ сонгууль хууль журмын дагуу хийгдэнэ. Цагийн байдал өөрчлөгдөөд бидний тооцоолж байснаас өөр нөхцөл үүсвэл асуудлыг авч хэлэлцэнэ" гэв.

БНСУ-ын хувьд ч энэ жилийн сонгуулиа журмын дагуу хийхээ мэдэгдсэн.

"Нөхцөл байдал эгзэгтэй үед сонгууль ярьмааргүй байна. Мөнгөний сонгуулийг зогсооё. Би нэр дэвшүүлнэ гэж мөнгө авахгүй. Хуулийн хүрээнд өртөг зардал багатай сонгуулиа хийхийг уриаллаа."

Нэр дэвшигчдэд 

• Ёс суртахуун, хувийн эрх ашгаа улс орны эрх ашгийн доогуур тавьдаг
• Мэдлэг боловсролтой
• Ажлын дадлага туршлага гэсэн дараах гурван шаардлагыг тавина. Олон салбарын төлөөлөл байх хэрэгтэй гэлээ.

Мөн өнгөрсөн хугацаанд ард иргэдийнхээ эрүүл мэндийн хамгаалахад зориулан үндсэндээ 200 тэрбум төгрөг зарцуулсан гэлээ.

Энэ хүндэрсэн нөхцөл байдалд улс орны эдийн засгийг дэмжихээр дараах долоон арга хэмжээг авахаар боллоо.

1. Дөрөвдүгээр сарын 1-нээс эхлэн зургаан сарын хугацаанд Нийгмийн даатгалын шимтгэлээс бүх аж ахуйн нэгжийг бүрэн чөлөөлж, тэглэж байна.

2. Мөн энэ хугацаанд иргэдийн цалин хөлснөөс орлогын албан татвар авахгүй.

3. 1.5 тэрбумаас доош орлоготой ААН-ийг ААНОАТ-аас  аравдугаар сарын 1-н хүртэл бүрэн чөлөөлж байна.

4. Үйл ажиллагаа нь хүндэрсэн ч ажлын байраа хадгалж байгаа ААН-үүдийн ажилтнуудад сар бүр 200 мянган төгрөгийн дэмжлэг олгоно.  

5. Малчдаас ноолуур авахад зориулж 3%-ийн хүүтэй 300 тэрбум төгрөгийн зээл олгоно. Зээлийг Засгийн газар хариуцна.

6. 18 насны хүүхэд бүрт гурван сарын хугацаанд сар бүр 10 мянган төгрөгөөр нэмэгдүүлж, хүүхдийн мөнгийг 30,000 төгрөг болгож байна.  

7. Шатахууны үнийг дөрөвдүгээр сарын 15-наас литр тутамд 300-400 төгрөгөөр бууруулна.

Эдгээр арга хэмжээнд 5.1 их наяд төгрөг зарцуулна гэв.