Нийслэлийн Хот тохижилтийн газар, Газар зохион байгуулалтын алба, Улаанбаатар хотын Захирагчийн ажлын албанаас Сүхбаатарын талбайн урд талын цэцэрлэгт хүрээлэнг тохижуулах талаар мэдээлж байна.

Сүхбаатарын талбайн урд хэсэгт 1.6 га талбайг хамардаг "Хонхтой" цэцэрлэгт хүрээлэнг тохижуулах ажил маргаашнаас эхлэх гэж байна. Уг хүрээлэнд 85 метр урт, 14 метрийн өргөнтэй аялгуут усан оргилуурыг барихаар шийдвэрлэжээ. Иргэд чөлөөт цагаа өнгөрүүлэн амарч болох хөгжмийн аялгуу бүхий олон улсын жишигт нийцсэн усан оргилуур аж.

НХТГ-аас барилгын ажлыг дөрөвдүгээр сарын 1-нээс эхлүүлэн хоёр сарын хугацаанд гүйцэтгэнэ хэмээн мэдээлэв.