Улсын онцгой комиссын Шуурхай штабаас цаг үе, нөхцөл байдлын талаар мэдээлэл хийж байна. Ирэх өдрүүдэд Сөүл, Токио руу хийгдэх тусгай үүргийн нислэгийн хуваарьт өөрчлөлт орж магадгүй.

Энэ үеэр Гадаад харилцааны яамны Консулын газрын захирал Л.Мөнхтүшиг "Тусгай үүргийн нислэгээр Токио, Сөүл хотоос иргэдээ авч ирэхээс гадна хүсэлт гаргасан зарим иргэд тус нислэгээр явж байна. Үүнд зайлшгүй зорчих шаардлагатай, тухайн улсад байнга оршин суудаг иргэдийг хүсэлтийн дагуу нислэгт хамруулах болсон. Эндээс явах иргэдээс дор хаяж гурван сарын хугацаанд эргэж Монгол улсад ирэхгүй гэсэн баталгааг авч байна" хэмээн мэдээлээ.

Мөн тэрээр "Токиогийн тусгай үүргийн нислэг нэг хоног урагшилж дөрөвдүгээр сарын 2-нд, Сөүлийн нислэг нэг хоног хойшилж дөрөвдүгээр сарын 3-нд явах магадлалтай болохыг" анхааруулж байна.