Коронавирусийн шинжилгээг ХӨСҮТ-өөс гадна Дархан-Уул аймагт хийх боломжтой болсон талаар гуравдугаар сарын 29-нд мэдэгдэж байсан билээ. 

Мөн гурван аймгийн лабораторийн хүчин чадлыг өргөжүүлж, дээрх шинжилгээг хийх боломжтой болгохоор ажиллаж байгааг албаныхан мэдэгдэж байсан юм.

Энэ хүрээнд Ховд, Дорнод, Орхон аймгуудын Бүсийн оношилгоо эмчилгээний төвд коронавирусийн шинжилгээ, оношилгоог хийх боломжтой болсон аж. Мөн Эх хүүхдийн эрүүл мэндийн үндэсний төвд уг шинжилгээг хийхээр болж байгааг Эрүүл мэндийн яамнаас мэдээллээ.

Ингэснээр ХӨСҮТ, ЭХЭМҮТ болон Дархан-Уул, Дорнод аймаг зэрэг нийт зургаан газар коронавирусийн шинжилгээ хийж оношлох боломжтой болж байна.