Токиогоос Монгол иргэдийг татан авах нислэгт өөрчлөлт орсон талаар УОК-ын Шуурхай штабаас мэдээлэл хийлээ. 

Улаанбаатараас Токио чиглэлийн нислэг үйлдэх онгоц өнөөдөр 13:05 цагт хөөрч, орон нутгийн цагаар 19:00 цагт буухаар болсон хэмээн ГХЯ-ны Консулын газрын захирал Л.Мөнхтүшиг мэдээллээ.

Харин Токиогоос буцаж ирэх зорчигчдын цагийн хуваарьт өөрчлөлт ороогүй бөгөөд  дөрөвдүгээр сарын 3-ны өглөө 08:30 минутад Улаанбаатар хот руу нисэж, 13:05 цагт газардана. 

Ийнхүү Токиогийн нислэгийн хуваарьт өөрчлөлт орсон ч Сөүлийн нислэгийн хуваарьт өөрчлөлт ороогүй аж. 

Сөүл рүү 08:40 цагт хөөрч, 12:50 цагт газардаж, 14:20 цагт Улаанбаатар руу нисэж, 17:00 цагт газардах хуваарь гарчээ.

Эрүүл мэндийн дэд сайд Л.Бямбасүрэн нислэгээр ямар иргэд зорчих талаар мэдээлэл өглөө. 

-Токио-Улаанбаатар чиглэлийн тусгай үүргийн онгоцоор 255 иргэн эх орондоо ирнэ. Өндөр настан 31, хөгжлийн бэрхшээлтэй 12, бусад улсаас дамжин ирж буй 52, жирэмсэн 4, бага насны хүүхэдтэй гэр бүлүүд болон 2-14 насны 16 хүүхэд" ирнэ.

-Сөүл-Улаанбаатар чиглэлийн тусгай үүргийн нислэгээр 251 зорчигч ирэх бөгөөд өндөр настан 56, жирэмсэн 17, 0-16 насны 21 хүүхэд ирэх аж. 

Эрүүл мэндийн дэд сайд Л.Бямбасүрэн "Тусгай үүргийн нислэгээр ирэх иргэдийг тусгаарлах байрны бэлтгэл ажил хангагдсан. Эмнэлгийн тусламж үзүүлэх шаардлагатай иргэдийг эрүүл мэндийн байгууллагад тусгаарлана" гэв.