Монголын хөрөнгийн биржид бүртгэлтэй 129 компани энэ сард багтан хувьцаа эзэмшигчдийн хурлаа хийхээр болжээ.

Компанийн тухай хуульд зааснаар хувьцаат компаниуд хувьцаа эзэмшигчдийн хурлаа санхүүгийн жил дууссанаас хойш дөрвөн сарын дотор буюу дөрөвдүгээр сарын 30-наас өмнө зарлан хуралдуулах ёстой. Тиймээс компаниуд шил шилээ даран хувь эзэмшигчидтэйгээ уулзаж байна.  

Тухайлбал, энэ долоо хоногт Монголын хөрөнгийн биржид бүртгэлтэй “Баян тээг”, “Монгол базальт”, “Хүрд” зэрэг компанийн хувьцаа эзэмшигчид чуулах товтой байгаа бол ирэх долоо хоногт “Монос хүнс”, “Хөвсгөл усан зам”, “Улаанбаатар хивс” зэрэг компанийн хувьцаа эзэмшигчдийн хурал болох аж. COVID19 вирусээс урьдчилан сэргийлэхийн тулд компаниуд хувьцаа эзэмшигчдийн хурлаа цахимаар зохион байгуулж  байна.