Байгалийн түүхийн музейн буурин дээр "Чингис хаан" музейн барилгын ажлыг өнөөдөр эхлүүлж байна. Музейн барилгын 2020 онд улсын төсвөөс санхүүжих дүн 53 тэрбум төгрөг.

Тус музейд Чингис хаантай холбоотой түүхийн үзмэрийн танхимуудаас гадна Монголын 37 хааны үзмэрийн танхимууд байрлах бөгөөд Монгол Улсад төрт ёс бий болсон цагийн үзмэрүүдийг байрлуулна.

Тус музейн барилга 2500 м.кв талбайтай, нийт 9 давхар бөгөөд олон улсын музейн стандартыг хангасан, судалгаа-сургалт-танин мэдэхүй гэгээрлийн цогцолбор болно хэмээн Ерөнхий сайд У.Хүрэлсүх онцлон хэлэв. 

Мөн "Чингис хаан" музейг 2021 оны хоёрдугаар улиралд багтаан ашиглалтад оруулахаар төлөвлөсөн аж.