ЭМЯ-наас коронавирусийн халдварын нөхцөл байдлын талаар мэдээлж байна.

ЭМЯ-ны хэлтсийн дарга Д.Нарангэрэл "Дэлхийн 207 оронд коронавирусийн халдвар бүртгэгдлээ. Манай улсын хувьд батлагдсан 14 тохиолдол байгаа бөгөөд 2 нь эдгэрсэн. Өнөөдрийн байдлаар сэжигтэй тохиолдол бүртгэгдээгүй. Өчигдөр Сөүлийн тусгай үүргийн онгоцоор ирсэн 261 иргэнийг тусгаарласан. Өчигдөр 21 аймгуудад хамгаалах хувцас хэрэгсэл болон түргэвчилсэн оношлуурыг тараасан" гэв.

Халдвартай 12 иргэнд хамар битүүрэх, булчин өвдөх гэх мэт шинж тэмдэг илэрч байна.

ХӨСҮТ-ийн ерөнхий захирал Д.Нямхүү "Катараас ирсэн энхийг сахиулагчдаас коронавирусийн халдвар илрээгүй. ХӨСҮТ-д тусгаарлагдсан 110, Цэргийн эмнэлэгт тусгаарлагдсан 58, Орхонд 20, Дарханд 11 гэх мэтээр нийт 326 давтан шинжилгээнээс халдвар илрээгүй.

Мөн Сэлэнгийн Зүүнхараа болон Дархан-Уул аймагт тусгаарлагдсан 2 иргэнээс халдвар илрээгүй юм. Дахин нэг PCR-ыг ажиллуулж эхэллээ. Мөн тусгай үүргийн онгоцоор ирсэн иргэдийн тусгаарлан, шинжилж байна" гэв.