Азийн хөгжлийн банк Ази, Номхон далайн бүс нутгийн эдийн засгийн төлөвөө энэ долоо хоногт дахин тодотгож, шинэчилсэн таамгаа танилцуулаа. COVID-19 вирусын улмаас Азийн хөгжиж буй орнуудын эдийн засгийн өсөлт  2020 онд саарч, 2.2 хувьд хүрэх төлөвтэйг тус банкнаас онцолсон байна. 

Гэхдээ 2021 онд эргэн сэргэж, 6.2 хувьд хүрэх аж. Хэдийгээр COVID-19 энэ бүс нутагт томоохон сорилт болж байгаа ч инновац, мэдээллийн технологийн хөгжил вирусын нөлөөг саармагжуулахад чухал гэж тус банкнаас үзэж байна. 

Азийн хөгжлийн банкнаас бүс нутгийн дундаж инфляцийн түвшинг мөн танилцуулсан. Инфляцийн түвшин энэ онд 3.2 хувьд хүрэх бол 2021 оноос 2.3 хувьд хүрч, саарах төлөвтэй байна.