Олон улсын зах зээлд арилжиж буй Монгол Улсын Засгийн газрын бондуудын ханш сүүлийн нэг сард огцом уруудлаа. 

Он гарсаар харьцангуй тогтвортой байсан уг ханш өнгөрсөн хоёрдугаар сараас тасралтгүй буурсаар байна. COVID-19 вирусын тархалт эрчимжиж, Монгол Улсын Засгийн газар хөл хориог сунгахаар шийдсэн хоёрдугаар сарын 19-нээс хойш бондын ханш унаж эхэлсэн. 

Энэ долоо хоногийн байдлаар Монгол Улсын Засгийн газрын 10 жилийн хугацаатай, нэг тэрбум ам.долларын “Чингис” бондын нэгжийн үнэ сүүлийн нэг сарын хугацаанд 10 ам.доллараар буурч, 92 ам.долларт хэлбэлзэж байна. 

Харин 2023 онд эргэн төлөх 800 ам.долларын “Гэрэгэ” бондын нэг бүрийн үнэ мөн төдий хэмжээгээр буурсан бол Хөгжлийн банкны 500 сая ам.долларын бондын ханш 12 ам.доллараар буурсан байна.

Олон улсын зах зээл дэх Монголоор овоглосон бондын ханш нь олон улсын хөрөнгө оруулагчдын хандлагыг илэрхийлдэг. Ялангуяа, Монгол Улсын Засгийн газар макро эдийн засгийг дэмжих арга хэмжээгээ танилцуулсан өнгөрсөн  долоо хоногт олон улс дахь бондуудын ханшийн уналт гүнзгийрсэн байна.