Дөнгөж саяхан Солонгосын иргэдэд гар утсаар Монгол эмэгтэй коронавирусын халдвар авсан талаар мэдээлэл түгээжээ.

Энэ талаар Солонгост байгаа Монгол иргэнээс бидэнд мэдээллээ.

Уг мэссэнжид "БНСУ-ын Пёнтэг дүүрэгт 30 настай Монгол улсын иргэн Корона-19 халдвар авжээ" гэж дурдсан байна.

Тус улсын хувьд вирусийн тохиолдол болгоны мэдээллийг ийнхүү иргэдийнхээ гар утсаар дамжуулан цаг алдалгүй хүргэдэг аж.

Түүгээр ч барахгүй энэ талаар тус улсын http://www.kyeonggi.com сайтад мөн мэдээлжээ. Уг мэдээнд БНСУ-ын Пёнтэг дүүрэгт гурван халдварын тохиолдол гарсан бөгөөд 30 настай эмэгтэй Монгол, 30 настай эрэгтэй Америк, 20 настай эрэгтэй Солонгос улсын иргэн халдвар авсан нь тогтоогдсон талаар дурдсан байна.

Эх сурвалж: http://www.kyeonggi.com